Генетикчид Америкийн индианчууд орчин үеийн Алтайгаас нүүж очсон гэж тогтоов. Эрдэмтдийн судалгаа American Journal of Human Genetics сэтгүүлд хэвлэгдсэн бөгөөд үүний товчлолыг Пенсильванийн их сургуулийн хэвлэлийн мэдээгээр гаргажээ.

Пенсильванийн их сургуулийн мэргэжилтнүүд оролцсон уг судалгааны хүрээнд Алтайн хязгаарын орчин үеийн оршин суугчдын ДНК-ийг шинжлэн үзжээ. Тэд Казахстан, Хятад, Монгол зэрэг бүсийн нутаг дэвсгэрээс цуглуулсан дээжийг индианчуудын янз бүрийн омгийнхны ДНК-тай харьцуулан үзсэн байна. Олон тооны генийн маркеруудыг хэрэглэсэн учраас судалгааг нарийн гарсан гэж тэд үзэв.

Ү хромосомын ДНК-ын Q гаплогруппт тэд Хойд Америкт ирсэн гэх индианчуудтай алтайчууд төрөл төрөгсөд байж болох генийн ер бусын мутацийг олж илрүүлжээ. Мөн C ба D галлогруппт ч тийм өөрчлөлтийг илрүүлсэн байна. Судлаачдын тогтоосноор Алтай өмнөд хэсгийнхэн нь хойд хэсгийн оршин суугчдаас илүүтэйгээр индианчуудтай ойрын хамаатнууд байх магадлалтай. Шинэ судалгаа нь Америк тивд хүн 18-20 мянган жилийн өмнө хүн суурьшиж эхэлсэн гэх онолыг баталж байна. Саяхан болтол эрдэмтэд энэ 30 мянган жилийн өмнөөс хүн суурьшсан гэж үзэж байсан юм.