Жил бүр Цагаан сарын өмнө болдог “ОБ Капитал” группийн нэрэмжит үндэсний бөхийн барилдаан ирэх хоёрдугаар сарын 5-нд болох гэж байна. Өмнө нь аймаг, цэргийн цолтой болон залуу 256 бөхийн барилдаан зохион байгуулдаг байсан бол энэ жилээс эхлэн улс, аймгийн цолтой бөхчүүдийн барилдаан болгож буй ажээ. Цагаан сарын сорилго барилдаанд 192 бөх зодоглох бөгөөд ирэх ням гаригт 14.00 цагаас Монгол бөхийн өргөөнд эхлэх юм байна.