Засгийн газрын ээлжит хуралдаанаас ирэх хоёрдугаар сарын 1-нээс цалин, тэтгэвэр, тэтгэмжийг нэмэгдүүлэх шийдвэр гаргаад буй талаар бид мэдээлсэн билээ. Сангийн сайдын хэлснээр бол Монгол Улсын 2012 оны төсөвт тодотгол хийх төслийг өчигдрийн хуралдаанд оруулж танилцуулсан байна. Хоёрдугаар сарын 1-нээс цалин, тэтгэвэр, тэтгэмжийг нэмэгдүүлэхтэй холбогдуулан Засгийн газар зохицуулалт хийхээр болсон. Энэ нь УИХ-аас Төсвийн хуульд өөрчлөлт оруулах хүртэл хуулийн зохицуулалт хийх юм байна.