Хүчит шонхор захын махны ху­дал­­даа явуулдаг 50 гаруй павиль­оны цөөхөн хэд нь хаалгаа онгойлгож худалдаа наймаагаа  хийж байгаа харагдлаа. Учир нь, захын удирдлага хууль бусаар гурван сая төгрөгийг хураан авч худалдаа эрхлэгчдийг эргэлтийн хөрөнгөгүй болгосон хэмээн зарим түрээслэгч нь мэдэгдээд байгаа юм. Тэдний мэдэгдэж байгаа­гаар тус захын удирдлага нийт 51 павильон түрээслэгчдээс  тус бүр гурван сая төгрөгийг “Эрс­дэлийн сан” гэх нэрийдлээр тулган шаардаж байж авсан гэсэн юм. Энэ талаар павильон түрээслэгч А.На­ранцэцэгээс асууж тодруулахад “Ма­най захын гүйцэтгэх захирал Т.Сайн­хүү биднийг нэг нэгээр нь дуудаж уулзаад “Шаардсан мөнгийг төл эсвэл одоо павильоныхоо түл­хүүрийг өгөөд гар. Энэ мөнгийг өгөх­гүй бол ажлын байрыг чинь өөр мөнгөө өгч чадах хүнд өгнө шүү” гэх мэтээр нэлээд дарамталсан. Бид­ний орлогын эх үүсвэр болсон энэ павильоноо алдчихгүйн тулд гуйж байж гурван сарын хугацаанд нэг, нэг саяар нь цувуулаад гурван сая төг­рөгийг нь өгсөн. Гэхдээ бид­ний мөнгө өгсөн гэдгийг гэрчлэх ямар ч баримт өгөөгүй. Анх гэрээ­гээ байгуулахдаа ч энэ талаар ямар ч зүйл тусгаагүйн дээр хэрэв үйлд­вэрчний эвлэл байгуулж хэл ам хий­вэл шууд ажлын байраа чөлөөл” гэх зэргээр дарамталсан. Энэ бүхэн чинь үнэхээр хуулийн дагуу юм уу гээд асуухаар “Та нарыг ямар ч газар хүлээж авахгүй, амбаардаад гаргана. Ирэх жилээс би зургаан сая төгрөг болгосон ч чадна” гэх мэтээр дарамталж байгааг тэсэх ар­га­гүй болоод байгаа” гэв. Захын удирд­лагын зүгээс үнэхээр ийм зүйл болсон эсэх болон байр суурийг сон­сохоор тус захын ерөнхий нягт­лан бодогч Н.Отгонжаргалаас тод­руу­лахад “Манай захын захиргаа­наас гаргасан шийдвэрийн дагуу “Эрс­­дэлийн сан”-г байгуулж түрээс­лэгч 51 хүнээс тус бүрд нь гурван сая төгрөг нэхэмжилж авсан нь үнэн. Гэхдээ энэ чинь хувийн бай­гуул­лагын дотоод асуудал шүү дээ. Тэгээд ч энэ Эрсдэлийн сан чинь түрээслэгчдэд өөрсдөд нь их ашигтай юм гэдгийг ойлгох хэрэгтэй. Ямар нэгэн гэнэтийн юм болохыг үгүйсгэх аргагүй шүү дээ. Гэнэтийн хулгай дээрэм, галын аюул, гэх мэт олон зүйл тохиолдож болно. Энэ үед л энэ Эрсдэлийн сан гэгч чинь хэрэг болох учиртайг манай түрээслэгчид ойлгох хэрэгтэй. Цаашдаа ч энэ эрсдэлийн сангийн мөнгийг нэмэх бодолтой байгаа. Гадаа байгаа тэр павильонууд анх машины зогсоол байсан. Дараа нь түрээслэгчдээ ч, компанийн ашгаа бодсон ч тэр па­вильон болгосон нь дээр юм байна гэж бодоод өндөр өртгөөр павильон болгосон. Эргээд төрөөс биднийг эрүүл ахуйн шаардлагад нийцсэн үйл ажиллагаа явуул гээд шахаад бай­даг шүү дээ. Тэр ч утгаараа энэ Эрсдэлийн сан захын болоод, түрээс­лэгчдийн аль алинд нь хэрэг­тэй. Лангуу түрээслэгчдийн гэ­рээнд манай талаас “Эрсдлийн сан”-д то­дор­хой хэмжээний мөнгөн ху­римт­лал бий болгоно гэсэн заалт байгаа. Түрээслэгчид баримт өгөөгүй гээд бай­гаа. Өнөөдөр надаас баримт нэ­хэж нэг ч хүн орж ирээгүй байна. Би байцаагч нартайгаа “Эрсдлийн сан”-гийн мөнгөний хувьд баримт авч баримтаар л бүх зүйлийг шийдэж бай­гаа. Яагаад баримт гээд байгааг мэ­дэхгүй байна” гэх хариултыг өгөв.