Баянзүрх дүүргийн 20 дугаар хороо буюу Гачууртын эцсээс долоон км-ийн зайд орших нэг давхар орон сууц шатсаны улмаас хоёр хүн бэртсэн байна. Яг одоо Онцгой байдлын албан хаагчид таван машинтайгаар галыг унтраахаар ажиллаж байгаа гэв.

Түргэн тусламжийн машин ирж цаг алдах учраас галд түлэгдсэн хоёр хүнийг хувийн машинаар Гэмтэл согогийн үндэсний төв рүү авч явсан байна.  Галын дуудлагыг 19.00 цагийн үед өгсөн бөгөөд одоогоор Баянзүрх дүүрэг болон нийслэлийн Онцгой байдлын шуурхай бүлэг галыг унтраахаар ажиллаж байна гэв. Галын шалтгааныг одоогоор тогтоох боломжгүй бөгөөд шуурхай бүлгийн аврагчид галыг унтраахаар ажиллаж байна гэлээ.