Шинэ бүрэлдэхүүнээр ажиллах эрхийг өнгөрсөн долоо хоногийн баасан гаригийн УИХ-ын чуулганы нэгдсэн хуралдаанаас авсан Засгийн газар өнөөдөр 14.30 цагт анхны хуралдаанаа хийх гэж байна. Анхны хуралдаанаар харин ямар асуудал хэлэлцэх нь одоогоор тодорхойгүй байгаа юм. Гэхдээ багш нар цалинг хоёрдугаар сарын 1-нээс нэмэх шийдлээ Засгийн газар гаргаагүй байна гэж үзэн, тэд жагсахаар шийдээд буй. Тиймээс энэ асуудал өнөөдрийн хэлэлцэх асуудлын дараалалд орсон байх талтай аж.