Харин анхны дуурь сүүлийн жилүүдэд бараг тоглогдоогүй байна. АНУ-ын Филадельфид байдаг Дуурийн дуулаачдын академиас зохион байгуулан уг дуурийг концертийн хэлбэрээр “Де Гранд” театрт өнгөрөгч бямба гаригт тоглов. Үе үехэн “Травиата”-гийн удиртгал хөгжмийг санагдуулах аялгуу бүхий уг дуурийн дөрвөн гол дүр болох, дөрвөн өөр хоолойн дуучид өөр өөрсдийн хоолойн гайхамшгийг мэдрүүлэн дээд, доод өнгийг хоршуулан дуулав. Ялангуяа “Метрополитан” театрын консулын нэрэмжит шагнал хүртэж байсан сопрано хоолойт Мишель Жонсон мэргэжилтнүүдээс өндөр үнэлгээ авлаа.