Шинэ он гарч, цаг хугацаа их хурдан өнгөрсөн байна. Ажил ихтэй гүйсээр байтал нэг л мэдэхэд нэгдүгээр сар дууслаа. Өнгөрсөн 20 гаруй хоног үйл явдлаар дүүрэн өнгөрчээ. Он гарсны дараахан Ардчилсан намынхан Засгийн газ­раас зургаан гишүүнээ та­таж хямралын эхлэлийг тавь­сан. Зургаан гишүүн ажлаа өгөхтэй зэрэгцээд нэг л өглөө неф­тийн бүтээгдэхүүний үнийн өсөлт манай улсад нүүр­­лэв. Энэ удаагийн үнийн өсөлт ард түмэнд томоохон цоч­рол өгсөн. Хүн бүр яахаа мэдэхгүй дэмий л бухимдаж төр засгийг баахан хараасан. Төр засаг ч ард түмний энэ бухимдлыг нохой хуцсаны дайтай хүлээн аваагүй. Тэдэнд ард түмний амьдралаас илүү С.Батболдын Зас­гийн газрын бүрэн бү­тэн байдал чухал байсан. Өргөн хэрэглээний бараа бүтээг­дэхүүний үнэ нефтийн бүтээгдэхүүний үнийн чангаралтыг тэсч чадаагүй. Эцсийн дүнд махны наймаачин хүртэл хүн учраас хоолтойгоо үлдэхийн тулд худалдаж байгаа махныхаа үнийг нэмэв. Энэ нь мах худал­дан авагч бусад хэсэгт мэдээж таалагдаагүй. Гурил, будаа, ногоо гээд хүнсний бүтээгдэхүүний үнэ тэнгэрт хадав. Ард түмэн бүр ч их зовж шаналж байна. Өдрийн хоолоо аргацааж дийлэхээ больсон хэсэг бидний дунд гундуухан алхаж яваа. МҮЭХ-ны ерөнхийлөгч С.Ганбаатар энэ хямралын эсрэг ард түмэнтэй хамт байж 17 хоног төр засгийн эсрэг тэмцэл хийв. Гэвч төр С.Ганбаатарыг хүлээн авч уулзсан нэртэй хөнгөхөн хулхидсан. Ингээд ард түмний талд хэн ч үлдсэнгүй. Хэд  хоногийн өмнө Сансарын тунелиэс уруудаж явсан ний­тийн тээврийн автобус есөн маши­ныг ташраар нь мөргөсөн хэрэг гарав. Мөргүүлсэн маши­ны жолооч нар хэнд хандаж яахаа мэдэхгүй дэмий л ша­налж суугаа. Машинуудыг мөргө­сөн автобусны жолооч ч хүмүүсийн хохирлыг хэрхэн бараг­дуулахаа мэдэхгүй цаг­­даад байцаагдаж байгаа. “Даш­ваан­жил” ХХК-ийн сав­ласан хийн баллоныг гэртээ хадгалсан Дархан-Уул аймгийн иргэ­дийн гэрт баллон дэлбэр­сэн үйл явдал болсон. Энэ дэл­бэрэлтээс болоод гурван хүн түлэгдэж эмнэлэгт хүргэгд­сэн. Тухайн байрны оршин сууг­чид дэлбэрэлтэд өртсөн байрнаасаа зугтан хамаатан садныдаа хоног төөрүүлж байна. Ер нь “2012 оны арванхоёрдугаар сарын 23-нд дэлхий сөнөнө” гээд байсан. Дэлхий сөнөхгүй ч Монгол Улс сөнөж мэдэхээр байна.