Дархан-Уул аймгийн “Дархан” гурил, тэжээлийн үйлдвэрт  буудай халснаас дэлбэрэлт  үүссэн талаар бид мэдээлсэн. Тус үйлдвэрийн нэгдүгээр корпусын 147 дугаар селост 100 орчим тонн буудайг сэлгэлт хийж, шигших үед осол гарсан юм. Ослын шалтгаан, нөхцөлийг тогтоохоор мэргэжлийн байгууллагууд ажиллаж байна. Түүнчлэн буудай хадгалах элеваторт хадгалж буй бусад буудай халснаас дахин тэсрэлт өгч магадгүй байгаа тул яаралтай суллах шаардлагатай, 134 дүгээр селос дахь 100 орчим тонн буудайг суллах,  хөргөх арга хэмжээг авч байгаа талаар эх сурвалж мэдээллээ.

Халсан буудайг хөргөхийн тулд хүйтэн ус цацах ажлыг тус аймгийн Онцгой байдлын алба хаагчид хийж байгаа аж. Буудайн халалтаас болж осол гарсан гэх урьдчилсан дүгнэлт байгаа ч шинжилгээний хариу эцэслэн гараагүй байна.