Монголын урчуудийн эвлэлийн “Art” галерейд Монголын Дүрслэх урлагийн академийн гишүүн, академич уран бүтээлчдийн хоёр дахь удаагийн хамтарсан үзэсгэлэн өнөөдөр нээгдэж байна. Үзэсгэлэнд дэлгэсэн бүтээлүүд нь Монголын байгаль, ахуй амьдралын сэдвийг олон янзын арга барил хийгээд сэтгэлгээний хэв маягт бичиж дүрсэлснээрээ онцлог юм. Эл үзэсгэлэнд Төрийн шагналт зураач Ц.Цэгмэд, Төрийн шагналт зураач До.Болд, МУЭ-ийн нэрэмжит шагналт зураач Ц.Нарангэрэл, Ц.Энхжаргал, Ч.Болдбаатар, Г.Сэрээтэр, Б.Төмөрбаатар нарын уран бүтээлчдийн 61 уран зураг, найман уран баримал үзэгчдийн хүртээл болох нь. Үзэсгэлэн ирэх хоёрдугаар сарын 2 хүртэл үнэ төлбөргүй нийтийн хүртээл болно.

Монголын Дүрслэх урлагийн академи нь 2004 онд байгуулагдсан бөгөөд өдгөө орчин үеийн урлагийн бүхий л хэв маяг, арга барил, дэгийг дэмжигч бүтээлчдийг нэгтгэн ажилладаг төрийн бус байгууллага юм.