“Өрнөд”-ийн “Миннесота Тимберволвес” багийн удирдлага хүчний довтлогч Кевин Лавтай дөрвөн жилийн 60 сая.ам.долларын гэрээ байгууллаа. Тус багийн ерөнхий дасгалжуулагч Рик Адельман лидер тоглогчоо өөр багт алдахгүйн тулд ийм алхам хийжээ.

Өнгөрсөн улирлыг самбараас бөмбөг авалтаар тэргүүлсэн Лав энэ улиралд оноо болон самбараас бөмбөг авалтаар лигийн топ тавд бичигдэж байгаа. Өдгөө 23 настай тэрбээр энэ улиралд дунджаар 39.4 минутыг талбай дээр өнгөрөөж, 24.9 оноо цуглуулж, 13.9 удаа самбараас бөмбөг аваад байна.