Йеменийн экс-ерөнхийлөгч Али Абдалла Салех лхагва гаригт өнгөрсөн зун авсан шархаа эмчлүүлэхээр АНУ-д очив. Тэрээр түүнээс өмнө таван бага хүүхэд, эхнэрийнхээ хамт Оманд байсан гэнэ.

Өмнө нь АНУ түүнийг нутагтаа оруулахгүй гэж байснаа энэ удаа зөвхөн эмчилгээ хийлгэхийг зөвшөөрсөн байна.  Салех Йеменаас өнгөрөгч ням гаригт гарч явахдаа засгийн эрхээ дэд ерөнхийлөгчид бүрэн шилжүүлсэн гэжээ.  Тэрээр ард түмэнд хандан  телевизээр сүүлчийн үгээ хэлэхдээ гаргасан алдааныхаа төлөө уучлалт гуйжээ.