Дуучин ВХ-ийн “Who is BX” тоглолт “UB Palace”-ын концертын их танхимд ирэх хоёрдугаар сарын 2, 3-нд болох гэж байгаа. Иймд өнөөдрөөс эхлэн “UB Palace”-ын касс болон “Hi-Fi CD shop”-ийн бүх салбаруудаар тасалбар 9999 төгрөгийн ханштайгаар худалдаалж эхэллээ. Мөн 1909 дугаар руу утасдвал үнэгүй хүргэж өгөх юм байна.

ВХ-ийн тоглолтод 24 дуу эгшиглэх бөгөөд “Гурван охин”, Д.Болд, Б.Чинбатын тоглолтод оролцсон шилдэг залуу хөгжимчид оролцох гэнэ. Тодруулбал, энэ удаагийн тоглолт амьд хөгжимтэй дуулах юм байна. Тоглолтод ВХ-тэй хамт, “Ice top” хамтлаг, дуучин Quiza, Б.Эгшиглэн нар оролцоно. “Хэв маягаа эвдэцгээе” дууг Quiza, Эгшиглэн нартай хамтран дуулах бол, “Саак”, “Гараа өргө” дуунуудыг “Ice top” хамтлагтай дуулна. Мэдээж “Love song”, “100%” зэрэг 100% хит дуунуудыг Б.Эгшиглэнтэй хамтран дуулна. Тоглолтын зохион байгуулагчаа “On’n Off” продакшн ажиллаж байгаа бөгөөд бүжгийн “Стар дэнс” хамтлаг болон залуу бүжигчид оролцохоор бэлтгэлээ шаргуу хийж байгаа аж.