Ашигт малтмалын газраас “Шарын гол” компанийн нөөцийг шинэчлэн баталсан байна. Мөн тус компанийн ТУЗ-ын бүрэлдэхүүнийг өөрчилжээ. “Шарын гол” компанийн эзэмшдэг нүүрсний ордын нөөцийг Монгол Улсад баримталдаг тайлангийн стандартын дагуу ангилж, 146.3 сая тонноор батлан Ашигт малтмалын санд бүртгэжээ. Эрдэс баялгийн санд бүртгэлтэй тус ордын  өмнөх батлагдсан нөөцийг хоёр дахин нэмэгдүүлж байгаа бөгөөд нөөцийн тооцооллыг, 2010 онд явуулсан өрмийн ажилд тулгуурлан ЖОРК стандартын дагуу гаргасан талаар Ашигт малтмалын газраас тайлбарлаж байна. Энгийнээр хэлбэл, “Шарын гол”-ны нөөцийг 374,0 сая тонн, сайн чанарын эрчим хүчний нүүрс хэмээн тогтоогоод байна. Тус компанийн ТУЗ-ын гишүүн

Ян Спэнсийг үүрэгт ажлаас чөлөөлж, түүний оронд Их Британи улсын иргэн Грам Чапманыг томилсон байна.  Тэрбээр дэлхийн  нүүрсний үйлдвэрлэл болон бизнес хөгжлийн салбарт 30 гаруй жил ажилласан,  “Би Эйч Пи Биллитон” ХХК-ийн Стратегийн асуудал эрхэлсэн  дэд ерөнхийлөгчөөр ажиллаж байсан  аж. Грам Чапман нь Монгол Улсад нүүрсний төсөл хэрэгжүүлж байгаа Канадын “Хулаан Коул” корпорацийн гүйцэтгэх захирлын алба хашдаг юм байна.  Тус компанийн ТУЗ-ийн дарга Б.Батмөнх хэлэхдээ “Шинээр батлагдсан нөөц нь Шарын голын уурхайн цаашдын хөгжил дэвшилд том ул суурь болж байгаа бөгөөд ийм өөрчлөлт шинэчлэлтийн хариуцлагатай үед манай компанийн ТУЗ-д салбартаа мэргэшсэн, баялаг туршлагатай чадварлаг боловсон хүчин орж ирж байгаад бид бүгд олзуурхан байна” хэмээн ярьсан.  Ийнхүү “Шарын гол” компанийн нөөц хоёр дахин нэмэгдэж батлагдсан ньтус компанийн үнэлэмжийг  нэмэгдүүлээд байгаа юм. Тус компанийн Монголын хөрөнгийн биржээр дамжуулан арилжаалдаг хувьцааны ханш цаашдаа улам өснө гэдэгт компанийн удирдлагууд итгэлтэй байна.