Улс, аймгийн цолтой бөхчүүдийн ихэнх барилдаанд 128 бөх зодоглодог. Эдгээр барилдаануудад аймгийн начин цолтой бөхчүүд цөөхөн барилдаж барилдах бөхийн тоо гүйцсэн тул ихэнх нь барилдаж чадалгүй хасагдаж байгаа. Иймээс 2-р сараас эхлэн улс аймгийн алдар цолтой бөхчүүдийн барилдаанд 128 биш 192 бөх барилдаж байхаар МҮБХ-ноос шийдвэрлэлээ.

Хамгийн эхэнд буюу 2-р сарын 5-нд болох Об капитал группийн нэрэмжит цагаан сарын сорилго улс аймгийн цолтой бөхчүүдийн барилдаанд 192 бөх барилдах юм. Дөрвөн уулын хишиг барилдаан болон цагаан сарын барилдаануудад уламжлалаараа 256 бөх зодоглодог хэвээрээ байх ажээ.