Монголын хөгжмийн урлагийн гялалзсан шигтгээ болсон Хөгжим, бүжгийн коллежийн Б.Зориг багш, ахлагчтай цохивор хөгжмийн хамтлаг нь  жил бүрийн хавар шинэ уран бүтээлийн “Найруулга” тоглолтыг хийдэг уламжлалтай.  Монголын нэрт хөгжмийн зохиолч Л.Мөрдоржийн “Алтан өргөө” киноны хөгжим, Ж.Бизэгийн “Кармен Сиют” зэрэг алдартай бүтээлээр урын сангаа баяжуулсаар ирсэн. Тэгвэл тус хамтлагийг санаачлан байгуулсан, багш Б.Зоригтын хүү мөн л Монголын хөгжмийн ертөнцөд хүч түрэн орж ирлээ. Түүний хүүг Энхүүш гэдэг бөгөөд бидний мэдэхээр Kush юм. “Kush and Oyuka” хэмээх жазз хамтлагийн дуучин залуу гэхээр бүр ч сайн таних биз ээ.