Улсын ерөнхий прокурорын газар, Монголын сэтгүүлчдийн эвлэл, Хууль зүйн
үндэсний хүрээлэн, “Глоб интернэшнл” ТББ хамтран хэвлэл, мэдээллийн
байгууллагын ажилтнуудад өчигдөр сургалт зохион байгууллаа.  Уг сургалтыг Улсын ерөнхий прокурорын туслах Г.Ганзориг нээж , Хууль зүйн шинжлэх ухааны доктор Ш.Сүхбаатар “Хүний нэр алдар хүндийг эрх зүйгээр хамгаалах нь”, Монголын сэтгүүлчдийн эвлэлийн ерөнхийлөгч Б.Галаарид “Хэвлэл мэдээллийн эрх чөлөөний  тухай хууль, шинэ чиг хандлага”, УЕПГ-ын хяналтын прокурор Т.Сүхбаатар “Хэвлэл мэдээллийн эрх чөлөө , эрх зүйн зохицуулалт”, “Глоб интернэшнл” ТББ-ын ажилтан Х.Наранжаргал “Олон улсын сэтгүүлчдийн ёс зүйн зарчим” сэдвээр илтгэл тавьж, сэтгүүлч, сурвалжлагчдын сонирхсон асуултад хариулт өглөө.