Увс аймаг энэ оныг хөрөнгө оруулалтын жил болгон зарлажээ. Учир нь улсын төсвөөр 120 тэрбум төгрөгний хөрөнгө оруулалт хийгдэх ба уг мөнгөний 55 тэрбум төгрөгийн ажлыг энэ онд багтаан хийхээр баталжээ. Увс аймгийн ИХТ-ын VII хуралдаанаар энэхүү хөрөнгө оруулалтыг хэрхэн зохион байгуулах талаар хэлэлцсэн байна. Тус аймгийн Засаг даргын үйл ажиллагааны хөтөлбөрийн хэрэгжилтийн явц 80.3 хувьтай аймгийн эдийн засаг нийгмийг 2011 онд хөгжүүлэх зорилтын биелэлт 94.7 хувьтай байна.