“Филипс” ээлжит ногоон технологио нээв. Тус компани химийн бүтээгдэхүүний үйлдвэрлэлээрээ дэлхийд тэргүүлэгч “BASF” компанитай хамтран автомашины бүхээгт зориулсан OLED хэмээх цоо шинэ технологи бүхий гэрэл зохион бүтээсэн байна. Эрчим хүчний хэмнэлттэй энэхүү гэрэл нь унтраасан үед тунгалаг байдаг. Иймд өдрийн цагаар гэрэл нэвтрүүлэгчийн үүрэг гүйцэтгэх аж.

Харин ассан үедээ автомашины зөвхөн салоныг л гэрэлтүүлдэг байна. Зохион бүтээгчид уг гэрлийг нарны эрчим хүч давхар хуримтлуулдаг болгохоор ажиллаж байгаа гэнэ. “Хэрэв нарны эрчим хүч хуримтлуулах туршилт амжилттай болбол OLED гэрэл өдрийн цагаар цонх, шилний үүрэг гүйцэтгэж, дулаан нэвтрүүлэхээс гадна шөнө нь орчныг гэрэлтүүлэх олон талын ач холбогдолтой бүтээгдэхүүн болно” хэмээн BASF-ийн доктор Феликс Горт хэлжээ.