УИХ-ын Аюулгүй байдал, гадаад бодлогын байнгын хорооны хуралдаан болж, Батлан хамгаалахын сайдаар УИХ-ын гишүүн Ж.Энхбаярыг томилуулах тухай УИХ-ын тогтоолын төслийг хэлэлцээд олонхийн саналаар дэмжлээ. Гэхдээ УИХ дахь Ардчилсан намын бүлэг гишүүн Ж.Энхбаярыг Батлан хамгаалахын сайдаар томилох боломжгүй гэдэг байр сууриа илэрхийлсэн ч МАН-ын бүлгийн гишүүд олонхийг бүрдүүлдэг тул байнгын хорооноос дэмжлэг хүлээж, энэ асуудлыг чуулганы нэгдсэн хуралдаанд оруулахаар болж шийдвэрлэлээ.