Цахим хөгжмийн мэдээлэл гаргадаг Mixmag сэтгүүлээс явуулсан олон нийтийн санал асуулгаар Британийн The Prodigy хамтлагийг хөгжмийн шилдэг хамтлаг хэмээн нэрлэжээ. Санал асуулгыг өнгөрсөн жилийн дөрөвдүгээр улиралд явуулж,  саяхан  дүнг нь гаргасан байна. The Prodigy хамтлагийн ахлагч Кейт Флинт өөрсдийн дэмжигч нарт талархлаа илэрхийлсэн ба харин хичнээн хүмүүс түүнд оролцсоныг сэтгүүл нэрлэсэнгүй.

Жагсаалтын эхний аравт орсон хамтлагуудыг жагсаавал:

1. The Prodigy
2. Daft Punk
3. Chemical Brothers
4. Faithless
5. Deadmau5
6. Plastikman
7. Underworld
8. Fatboy Slim
9. Orbital
10. Moby

The Prodigy хамтлаг Их Британид 1990 онд байгуулагдсан бөгөөд энэ хугацаанд студийн таван цомог гаргасны нэг нь болох “The Fat of the Land” нь түүний шүтэн бишрэгчдийн сүлд нь болжээ. Өнөөгийн хувьд хамтлагийн сүүлчийн “Invaders Must Die” цомог 2009 онд гараад Британийн чартыг тэргүүлж байлаа.