Бар жилийн тэргүүн дэвжээ тодруулах “Нутгаа дуурсгана” тойргийн барилдааны шигшээ барилдаан өчигдрөөс “Бөхийн өргөө”-нд эхэллээ. Уг барилдаанд зодоглосон 15 дэвжээнээс шалгарсан зургаан баг өчигдрөөс эхлэн тэргүүн байрын төлөө тойргоор барилдаж байгаа юм. Өчигдрийн барилдаанд Сэлэнгэ аймгийн “Таван хан” дэвжээний бөхчүүдийн Говь-Алтайн бөхчүүдтэй хүч үзэж, Говь-Алтай аймгийн Хантайшир дэвжээ ялсан бол Булган, Увс аймгийн бөхчүүдийн халз барилдаанд М.Өсөхбаяр ахлагчтай Булганы хүчтэнүүд илүүрхэж, ялалтын 3 оноо авчээ. Түүнчлэн улсын арслан До.Ганхуяг ахлагчтай Өвөрхангай, улсын арслан Х.Мөнхбаатар ахлагчтай Хөвсгөл аймгийнхан энэ өдөр таарч барилдахад хоёр баг адил даваа, унаатайгаар оноо тэнцсэн байна. Энэ өдрийн сонирхолтой барилдааны нэг болох улсын арслан До.Ганхуяг, Х.Мөнхбаатар нарын барилдаанд арслан Х.Мөнхбаатар давав.

Харин өнөөдөр болох шигшээ барилдааны хуваариар:

А хэсэг:

1.    “Хөвсгөлийн хүчтэн” – “Таван хан”
2.    “Увс нуур” – “Их Монголын хүчтэн”
3.    “Хан тайшир” – “Булган хангай”

B хэсэг:

1.    “Бөх билэгт” дэвжээ өнжинө
2.    “Завхан” – “Жавхлант” дэвжээ барилдахаар тус тус оноолт таараад байна. Барилдааны 15 цагаас Бөхийн өргөөнд эхэлнэ.