Вирусын гаралтай энэхүү гахайн үржил, амьсгалын хам шинж өвчин Дархан-уул аймгийн Дархан сумын нэгдүгээр багт илэрсэн байна. Тус аймагт үүсээд байгаа нөхцөл байдлын талаар өнөөдөр Хүнс, хөдөө аж ахуйн жижиг дунд үйлдвэрийн газрын дарга З.Нэргүй аймгийн Засаг дарга Г.Эрдэнэбатад танилцууллаа. Дархан сумын нэгдүгээр багт гахайн үржил, амьсгалын замын хам шинж өвчин илэрсэн нь нэгэнт лабораторийн шинжилгээгээр баталгаажсан бөгөөд одоогийн байдлаар тус бүсэд хорио цээрийн дэглэм тогтоогоод байгаа аж.

Энэ өвчин нь вурисын гаралтай бөгөөд зөвхөн гахайд тусдаг ажээ. Хүн, амьтанд халдварлахгүй. Өвчилсөн гахайд биеэр нь тууралт гарах, амьсгаадаж, хоол тэжээлд дургүй болох, хээл хаях зэрэг шинж тэмдэг илэрдэг. Одоогоор өвчилсөн байж болзошгүй арван гахай байгаа ба өчигдөр хоёр тоорой үхсэн гэх мэдээллийг тэд өглөө.