АНУ-ын НАСА-гийн сансар судлалын хүрээлэнгээс 2011 он дэлхийн хамгийн дулаахан жилийн жагсаалтад есдүгээр бичигдсэн талаар мэдэгдлээ. 1880 оноос хойш хийсэн судалгаагаар дэлхийн гадаргуугийн хэм хамгийн өндөр байсан арван жилийг жагсаасан юм. Тус хүрээлэнгийн мэргэжилтнүүд 2011 оны дэлхийн гадаргын дундаж хэм өнгөрсөн 20-р зууны жилүүдийн дундаж хэмээс 0,51 хэмээр өндөр байсныг тогтоолоо.

Дэлхийн гадаргуу шингээсэн энергиэ буцаан гадагшлуулдаг бөгөөд температурын өсөлтийн шалтгааныг судалж байгаа гэж хүрээлэнгийн захирал Жеймс Хансен ярьжээ. Харин 2010 онд агаарын хэм хамгийн өндөр үзүүлэлттэй байсан байна. Судалгааны өгөгдлийг дэлхийн мянга гаруй цаг агаарын станц болон сансрын хиймэл дагуулуудын шинжилгээ судалгааны хэмжилтээс цуглуулсан аж. Эрдэмтдийн хэлж байгаагаар агаарын хэмийн өөрчлөлтийн хэлбэлзэл тогтвортой байгаа юм.