Хөвсгөл аймгийн Мөрөн хотод  найман настай охиныг хүчирхийлж, улмаар хэргийн ул мөрөө баллахын тулд  аминд нь хүрч, цогцсыг нь цүнхэнд хийж хаясан онц ноцтой хэрэг 2010 онд гарсан байдаг. Уг хэргийг үйлдсэн Н.Мөнх-Оргилд шат шатны шүүхээс цаазын ял оноосон ч тэрбээр шүүхийн шийдвэрийг эсэргүүцсээр байсан юм. Түүнд анхан шатны шүүхээс хоёр дахь удаагаа цаазын ял оноосон ч нийслэлийн шүүхэд  гомдол гаргасан бөгөөд харин нийслэлийн Шүүхэд уг хэргийг өчигдөр хэлэлцээд, анхан шатны шүүхээс оноосон цаазын ялыг хэвээр баталсан байна.