УИХ-ын гишүүн Х.Тэмүүжинийг Veritas буюу домогт гардаг шударга үнэний
“тэнгэр” мэт хүлээн авах болжээ. Их сургуулийн хуулийн багш УИХ-д хууль
батлах үйл явцад гар бие оролцохын тулд ямар зам туулдгийг түүнээс харж
болно. Сонгуульд ялчихаад чуулганы тан­химд орж ирээд хэнгэнэтэл са­наа
алдаад бүлтэгнэж байсан тэр за­луу одоо архаг улстөрчдийг айлга­даг
болоод байгаа. Бурхан мэт дээ­дэлж байсан багш нартайгаа цэц булаалдаад
зогсохгүй ХЗДХ-ийн сайд, парламентын “брэнд”-тэй хүр­тэл үзэж тарснаар
тэр “Королия” биш гэдгээ харуулсан юм.

Өнөөгийн парламент дахь хоёр­хон либераль үзэлтний нэг тэрбээр
сонгуулийн өмнө сум эсвэл хонгио олдог намынхныхаа түүхийг үр­гэлж­лүүлж
яваа нэгэн. УИХ-ын 2008 оны сонгуулийн үеэр одоогийн Ерөн­хийлөгч
Ц.Элбэгдорж сум олж байв шүү дээ. Харин энэ удаа Х.Тэмүүжин сумны хонгио
олж хэвлэлийнхэнд үзүүлэн дуулиан тарьсан. Яагаав “сум” Дашзэвэг гэж
хүртэл гишүүн байлаа шүү дээ. Гэвч Х.Тэмүүжин “хонгио” хоч­той “донгио”
явахыг хүссэнгүй. Тэр­бээр өчигдөр  мөрөөдөж явсан хуулиа батлуулж аваад
л дахиад нэг санаа алдчихна билээ. Түүний санаачилсан Нийтийн албанд
ний­тийн болон хувийн сонирхлыг зохи­цуулах, со­нирхлын зөрчлөөс
урьд­чилан сэр­гийлэх тухай хуулийг ба­талс­наар Х.Тэмүүжин бас нэгэн
“урт нэртэй” хуулийн автор болж байна.