“MN25”  дугаар суваг телевизийн “Making the Band” шоу нэвтрүүлгээс уран бүтээлийн гараагаа эхэлсэн охидын “Extacy” хамтлаг шинэ уран бүтээлдээ орохоор бэлтгэж байна. Гэхдээ хамтлагийн продюсер Ж.Алтанцэцэг хамтлагийнхаа охидын тоог цөөлж, эхнээс нь хасах шийдвэрээ гаргаад байгаа аж. Энэ талаараа дуучин Ж.Алтанцэцэг хэлэхдээ “Манай охидын зарим нь хичээл ихтэй, уран бүтээлдээ цаг гаргах боломжгүй байгаа учир өөрийн хүсэлтээрээ гарч байгаа. Харин зарим нь дуулж чадахгүй байна. Тиймээс хасна. Ер нь би дөрвөн гишүүнтэй байлгана гэж анхнаасаа бодож байсан” хэмээн тайлбарлажээ.

Тэгэхээр “EXtacy” хамтлаг цаашид уран бүтээлээ дөрвөн гишүүнтэйгээр үргэлжүүлэх нь. Чухам хэн  хэн хамтлагийг орхих бол…