Канадын цаначин Сара Бурк бэлтгэл сургуулилтын үеэр унаж, гэмтсэний улмаас таалал төгссөн тухай түүний гэр бүлийнхэн мэдэгджээ. Өвлийн олимпийн наадмын хөтөлбөрт чөлөөт цанын төрлийг багтаахад чухал хувь нэмэр оруулсан тэрээр дөнгөж 29 настай байсан юм. 2014 оны өвлийн олимпийн наадамд түрүү булаалдах хэмжээний хүчтэй өрсөлдөгчдийн тоонд багтаж байсан Сара Бурк нэгдүгээр сарын 11-нд АНУ-ын Юта мужийн Парк ситид бэлтгэл хийж байхдаа гэмтэл авчээ. Түүний нэн даруй эмнэлэгт хүргэсэн боловч тархиндаа гэмтэл авсан тул удалгүй амьсгал хурааан байна.

Өвлийн “X” наадмын дөрвөн удаагийн аварга, өөрийн төрөл зайд шилдэг нь гэгдэж байсан түүнийг ESPN-ээс 2007 оны шилдэг эмэгтэй тамирчнаар өргөмжилж байсан удаатай. Сара Буркийн өөрийнх нь хүсэлтээр түүний эд эрхтэнг донер болгосон байна.