УИХ-ын Төрийн байгуулалтын байнгын хорооны ээлжит бус хуралдааныг өнөөдөр 10.00 цагаас хуралдуулахаар товлолоо. Түүгээр Засгийн газрын зарим гишүүнийг үүрэгт ажлаас нь чөлөөлөх тухай асуудал хэлэлцэх юм. Засгийн газрын гишүүнээс чөлөөлөгдөх өргөдлөө өгсөн АН-ын зургаан сайдын асуудлаар Засгийн газрын Хэрэг эрхлэх газрын дарга, Монгол Улсын сайд Ч.Хүрэлбаатар өчигдөр орой УИХ-ын дарга Д.Дэмбэрэлд тогтоолын төсөл өргөн барьсан юм.

УИХ-ын дарга тогтоолын төслийг хүлээн аваад Төрийн байгуулалтын байнгын хороо, чуулганы нэгдсэн хуралдаанаар өнөөдөр уг асуудлыг хэлэлцэх чиглэл өгсний дагуу ийнхүү байнгын  хороо хуралдах гэж байна.