Дундговь аймгийн байгалийн тогтоц, экологийн нөхцөл байдал тэдгээрийг олон нийтэд таниулах, хариуцлагатай уул уурхайг хөгжүүлэх ,ховордсон амьтан ургамлыг хамгаалах, экологийг нөхөн сэргээх үйлсд ашгийн ба ашгийн бус байгууллага, олон нийтийг татан оролцуулах зорилгоор хэсэг нөхөд санаа шулуудан “Дээдсийн өлгий нутаг” нэртэй төрийн бус байгууллага үүсгэн ажилдаа орлоо.

Т.Базардар, С.Пүрэвсүрэн, Ж.Мөнхтөр,Л.Данзанноров, М.Энхбаяр,  Д.Мөнхбадрах, О.Элбэгтөгс, М.Анхбаяр нарыг тэргүүлэгчээр, “Дундговь-Мөнхболор” сангийн тэргүүн, “Дундговь” нутгийн зөвлөлийн тэргүүлэгч Б.Мөнхболорыг хүндэт тэргүүлэгчээр сонгосон  бөгөөд энэ ТББ-ын тэргүүнээр  И. Оюун-Эрдэнэ батлагдсан байна.

Тэд аймаг орны хэмжээнд байгальд ээлтэй бодлого хэрэгжүүлэхэд үйл ажиллагаагаа чиглүүлэн говь нутгаа цөлжилтөөс аврах бүх нийтийн хөдөлгөөнийг ижил төстэй төрийн бус байгууллагуудтай хамтран  өрнүүлэх юм.