Үйлдвэрчний эвлэлүүдийн хол­­­бооноос орон даяар зохион бай­­гуулж байгаа эсэргүүцлийн жаг­саал өнөөдөр 12.00 цагаас Мон­го­лын өнцөг бүлэн бүрт зэрэг болох юм. Нийслэлчүүдийн хувьд Сүхбаатарын талбай дээр жагсч эсэргүүцлээ илэрхийлж болох гэнэ. Энэхүү эсэргүүцлийн жагсаалд 50 мянган хүн нэгдэхээр болжээ. Тэдгээр 50 мянган монгол иргэн С.Ганбаатарт хайртайдаа биш өд­рөөс өдөрт амьдралд нь дарамт болж буй үнийн хөөсрөлийн эсрэг, зохион байгуулалтайгаар нэгдэж Засгийн газарт үгээ хэлж, үзэл бодлоо илэрхийлэхийг хүссэндээ тэр биз. Өнгөрсөн жилийн хавраас эхлэн байртайгаар хөөрөгдөж буй үнийн өсөлтийг эсрэг Засгийн газраас бодит арга хэмжээ аваагүй, авах нь битгий хэл харин дэмжих бодлого хэрэгжүүлж байна хэмээн олон нийтийн зүгээс эрх баригчдыг шүүмжилж буй юм. Хэрвээ үнийн хөөрөгдлийг эсэргүүцэж байгаа бол хүн бүхэн энэ жагсаалд оролцох хэрэгтэй гэдгийг С.Ганбаатар мэдэгд­сэн. Жагсах боломжгүй ажил их­тэй хүмүүс үнийн хөөрөгдлийг эсэр­гүүц­сэн бичиг машиныхаа цонхон дээр нааж, гэрлээ эасааж  явахыг зөвлөв. 

Шатахуун импортлогчид ам.дол­­ларын ханшийн өсөлтөөр далим­дуу­лан дотоодод зарж буй нефть бүтээгдэхүүнийхээ үнийг өсгөсөн нь бусад бараа бүтээгдэхүүний үнэ өсөх шалтгаан болоод байна. Энэ удаад хүмүүс цалин нэм, Засгийн газар огцор гэж шаардахаасаа илүү амьдралд нь дарамт болоод байгаа үнийн өсөлтийг барих, монополиудтай тэмцэхийг уриалж байгаа билээ. Тиймээс ч Монгол ороны өнцөг булан бүртамьдарч байгаа, үнийн дарамтыг мэдэрч яваа энгийн иргэд энэ жагсаалыг дэмжинэ, жагсаалд нэгдэнэ гэдгээ илэрхийлээд байгаа аж. Аливаа нэгэн  жагсаал, цуглаан болонгуут эмх замбараагүй байдал үүсдэг. Энэ удаад ийм байдал гаргахгүйн тулд, бухимдсан олны зүгээс ямар нэгэн буруу үйлдэл гарвал таслан зогсоохоор цагдаа нартай хамтарч ажиллана гэдгээ Монголын үйлдвэрчний эвлэлүүдийн холбооноос дуулгасан.  Ерээд оноос хойш ийм олон хүн оролцсон жагсаал болж байгаагүй. Жагсаал орон даяар зэрэг явагдаж байгаа нь хамгийн гол онцлог гэдгийг С.Ганбаатар өчигдөр хийсэн хэвлэлийнхээ бага хурлын үеэр ярина лээ.  Үнийн өсөлтөд яарал­тай арга хэмжээ авч өгөхийг Монголын үйлдвэрчний эвлэлүүдийн холбооноос Засгийн газарт хандаж хүсэлт гаргаад14 хонож буй хэдий ч  өнөөдөр Засгийн газар, УИХ юун үнийн өсөлт манатай, улстөрийнхөө хэрүүл, тэмцэл, сайд нарын суудлаас өөр асуудалд анхаарлаа хандуулахгүй байна гэв. Энэхүү жагсаалыг ямар нэгэн иргэний хөдөлгөөн, энэ тэр улстөрчидтэй хамтарч хийгээгүй шүү гэдгийг ноён С.Ганбаатар анхааруулаад, энэ жагсаалаар да­лим­­дуулж, улстөржихийг үгүйс­гэхгүй байгаагаа, хэрвээ хэн нэгэн улстөрчиж асуудал гарвал үүнд иргэний хөдөлгөөнийхөн өөрсдөө хариуцлагаа хүлээх ёстой гэдгийг сануулсан. Энэ жагсаал бол улс­тө­рийн зорилготой, улстөржсөн жаг­саал  биш гэнэ лээ. Монголын хүн амын нэг талд цөөн хэдэн баячууд борчуудын мөрөөдөж буй байр, машины мөнгөөр даашинз, пиджак худалдан авч, брэндээр өвчилж байхад нөгөө хэсэг нь үнийн дарамтад өртөж, өр шир тавьж, өлөн зэлмүүнхэн амьдарч байгаа нь шударга биш байна. Энэхүү үнийн өсөлтийг Монголын цөөн хэдэн бизнесийнхэн, монополиуд үүсгээд, зохиомлоор эрэлтийг нэмэгдүүлж, ахиухан ашиг олох гэсэн  шударга бус үйлдэлтэй л тэмцэхийн тулд өнөөд­рийн жагсаалыг зохион бай­­гуулж байгаа  гэсэн. Тус хол­боо­ны­хон зах, дэлгүүрээр явж шатахууны үнэ өссөнөөс хойш бараа бүтээгдэхүүний үнэ хэрхэн өссөн талаарх судалгааг хийсэн байна. Энэхүү судалгаагаар бол сүлжээ дэлгүүрүүд шударга бусаар үнэ нэмсэн нь тогтоогдсон агаад үүнийг Шударга өрсөлдөөн, хэрэглэгчийн төлөө газар анхааралдаа авч ажиллах ёстой, хяналт тавих хэрэгтэй гэсэн.