Нийслэлийн хэмжээнд өчигдөр 10 хүн золгүй байдлаар амиа алдсан харамсалтай хэрэг гарчээ. Нас барсан иргэдийн дийлэнх нь архи хэтрүүлэн хэрэглэсний улмаас гэртээ унтаж байгаад ил харагдах гэмтэл шархгүй нас барсан байна. Мөн архи, согтууруулах ундаа хэрэглэсэн үедээ гадаа гудамжинд унтан, осгож нас барах тохиолдол ч нэмэгдэж байна. Тухайлбал, Баянзүрх дүүргийн 20 дугаар хороо “Монгол шилтгээн”-ий харалдаа төв зам дагуу 35-40 орчим настай эрэгтэй хүн осгосон байдалтай нас барсан бол Сонгинохайрхан дүүргийн 23 дугаар хороо Хангайн 50 дугаар гудамжинд 35-40 настай эмэгтэй осгосон байдалтай нас барсан байна. Дээрх хэргүүдийг харьяа дүүргийн цагдаагийн хэлтэст үргэлжлүүлэн шалгаж байна.