Спрайт хөгжлийн лигийн 2011-2012 оны  аваргын төлөөх цувралын  эхний тоглолт өчигдөр Буянт Ухаа дахь Спортын шинэ ордонд боллоо. Хүчирхэг бүрэлдэхүүнтэй  “Танан Импекс”  баг цувралын эхний тоглолтод өнгөрсөн жилийн аварга ДХИС-ийн “CRM Шонхрууд”-ыг 85:64 харьцаатай буулган авч, 23 тоглолт дараалан ялсан буухиаг нь зогсоов. Тоглолтын эхний үе эн тэнцүү өрнөж, 15:15 харьцаатай өндөрлөсөн бол хоёрдугаар үеэс эхлэн “Танан Импекс”   багийн ээлж дараалсан довтолгоо амжилттай болж байлаа. Энэ үед О.Ууганбаяр багаасаа  шилдэг тоглолтыг үзүүлсэн. Тэрбээр хоёрдугаар үед 12 оноо авч, тооны харьцааг холдуулснаар тоглолтыг өөрийн багийн талд эргүүлсэн гэж болно. Нөгөөтэйгүүр  “Шонхрууд”  багийн хоёрдугаар гарааны тав хангалтгүй тоглолт үзүүлж байсан. Улмаар тоглолтын хоёрдугаар үе  41:27 харьцаатай  “Танан Импекс” багийн тэргүүллээр өндөрлөсөн. Үлдсэн үеүдэд ч гэсэн  “Танан Импекс”  баг  тоглолтын санаачилгыг гартаа аван, багийн тоглолт үзүүлж, 84:65 харьцаатайгаар ялалт байгуулсан юм. Ийнхүү цувралыг 1:0 харьцаатайгаар  “Танан Импекс”   багийн залуус тэргүүлж эхэлсэн.  Тус тоглолтод  “Танан Импекс” багаас О.Ууганбаяр 27 оноо, А.Сумъяа 12 оноо авч, шилдэг тоглолт үзүүлсэн бол “Шонхрууд” багаас С.Батбаяр 14 оноо, Б.Баянбат есөн оноо авсан ч  баг нь хожигдол хүлээлээ.

Цувралын хариу  тоглолт өнөөдөр 19.30 цагаас Спортын шинэ ордонд болно. Аваргын төлөөх тоглолтоос гадна хүрэл медалийн төлөөх “УБЦТС ХК” болон “Эрдэнэдрийлинг RIGS” багийн тоглолт мөн өнөөдөр болно.

Зургийг ЭНД дарж үзнэ үү.