Хөгжмийн ертөнцийн агуу эрхмүүдийн нэг, Soul саксафонч, дуучин Жимми Кастор 71 насандаа таалал төгсчээ. Хип хоп уран бүтээлчдэд онцгой нөлөө үзүүлж чадсан хэмээн үнэлэгддэг тэрээр Лас Вегасын эмнэлэгт нас барсан тухай түүний гэр бүлийнхэн мэдэгдсэн байна. Нэрт уран бүтээлчийн “Just Begun”, “Troglodyte”  зэрэг дуунуудыг Ice Cube, Usher нарын олон уран бүтээлчид өөрсдийн бүтээлдээ ашигласан байдаг билээ. Түүнчлэн Kanye West-ын анхны цомогт нь багтсан “We Don’t Care” дууны хөгжмийг Жимми Касторын “I Just Wanna Stop” дуунаас авсан гээд тоочоод байвал 3000 гаруй уран бүтээлч Кастороос “дээж” авчээ.

Жимми өнгөрсөн зун хүртэл уран бүтээлээ туурвисаар байсан ч өнгөрөгч арваннэгдүгээр сард цус харваж, зүрхний мэс засал хийлгэсэн юм.