“Voice” хамтлагийн дуучин Д.Отгонжаргал ил захидал цуглуулах дуртай гэнэ. Дуучин бүсгүйн цуглуулгад түүний аялсан, зочилсон газар бүрийн ил захидал байдаг аж. Тэрбээр дэлхийн 20 гаруй оронд очиж үзсэн бөгөөд тухайн орныхоо хамгийн алдартай дурсгалт газар очиж, зураг авахуулах дуртай гэнэ. Түүнчлэн зураг авахуулсан газрынхаа ил захидлыг заавал худалдаж авдаг гэсэн. Тэрбээр өөрийн хобби, цуглуулгынхаа талаар хэлэхдээ “Би ямар ч улс, оронд очсон заавал ил захидал худалдаж авдаг. Ил захидал цуглуулах их гоё шүү дээ. Хамгийн хямдхан бөгөөд хамгийн элбэг байдаг зүйл. Тиймээс тухайн орныг илтгэх, байгалийн дурсгалт, эртний эдлэлийн зурагтай гэх мэт ил захидлыг худалдаж авдаг” хэмээн тайлбарлав.