АНУ-ын ерөнхийлөгч Барак Обама бейсболын Дэлхийн цувралд түрүүлсэн “Сент Луис Кардиналс” багийнхныг өчигдөр Цагаан ордонд хүлээн авч, уулзсан байна. Хэдхэн хоногийн өмнө Үндэсний сагсан бөмбөгийн холбооны лигийн аварга “Даллас Маверикс” баг Цагаан ордонд зочлоод байсан юм.

Ерөнхийлөгч “Кардиналс”-ыг баатрын дүрээр угтан авчээ. Дэлхийн цувралд үзүүлсэн тэдний гайхалтай амжилтыг Ерөнхийлөгч өндрөөр үнэлэн магтсан байна. Хэдийгээр Обама “Сент Луис”-ын заналт өрсөлдөгч “Чикаго Уайт Сокс”-ын үнэнч дэмжигч боловч “Кардиналс”-т магтаалын үг харамгүй хайрлажээ. Бейсболын түүхэн дэх хамгийн гайхалтай эргэн ирэлт хийсэн хэмээн тэдний амжилтыг тодорхойлсон. Мөн Валтер Ридийн цэргийн эмнэлэгт зочилж шархадсан цэргүүдтэй уулзсан явдалд нь талархлаа илэрхийллээ.  Энэ өдөр тэргүүн хатагтай 48 нас хүрсэн. “Кардиналс”-ын зүгээс Мишел Обамад 44 дугаартай өмсгөлийг цохиурын хамтаар бэлэглэжээ.