Тайландын ерөнхий сайд Йинглак Чинават Засгийн газарт хийсэн өөрчлөлтөө батлуулахаар хаан Пхумипхон Адулъядетад өргөн барьсан тухай Тайландын хэвлэлээр мэдээлжээ. Засгийн газарт арав гаруй өөрчлөлт орсон гэж Засгийн газрын хэвлэлийн төлөөлөгч сэтгүүлчдэд мэдэгдсэн байна.

Засгийн газар дахь нэрээ нууцалсан эх сурвалжийн хэлснээр Батлан хамгаалах, Боловсрол,  Эрчим хүч болон Сангийн сайд нарыг солих гэнэ. Засгийн газрын бүрэлдэхүүн энэ хэвээрээ хагас жилээс илүүтэй хугацаанд ажиллахгүй гэж өмнө нь Йинглак Чинават сануулж байсан. Парламентын сонгуулийн үеэр тохиролцсон эрх баригч эвслийн тохиролцооны дагуу уг өөрчлөлтийг хийж байгаа ажээ.