Хөгжмийн зохиолч Ц.Нацагдоржийн “Үүлэн заяа” дуурийг ирэх бямба гаригт Улсын дуурь, бүжгийн эрдмийн театрын тайзнаа тоглох гэж байна. Гурван бүлэг, дөрвөн үзэгдэлт энэхүү дуурийг анх 1988 оны дөрөвдүгээр сарын 29-нд тайзнаа тоглож байв. Дуурийн цомнолыг  Ш.Шажинбат бичиж, найруулагчаар Урлагийн Гавьяат зүтгэлтэн Л.Эрдэнэбулган, зураачаар Ардын зураач Ч.Гунгаасүх ажиллажээ.

Ирэх бямба гаригт буюу энэ сарын 21-нд тоглолх “Үүлэн заяа” дуурийн гол дүрд Хоролдой /Тэргүүн ноён/ басс-О.Хүрэлбаатар, Төмөртөр /Наранзэлын нөхөр/ тенор-Г.Шижирболд, Наранзэл /Хоролдойн охин/ сопрано-Ш.Наранчимэг, Тэнүүн /Хоролдойн хүү/ баритон-А.Сайнбаяр, Цурхай /Шивэгчин/ меццо-сопрано-Р.Доржхорлоо, Хоовондой /Цурхайн нөхөр/ басс-баритон-Э.Бумхүү, ард баритон-Б.Алтанхуяг, Б.Баатархүү, Найдан оточ басс-Ж.Эрдэнэчулуун болон найрал дуучид оролцон тоглоно. Харин симфони найрал хөгжмийг Урлагийн Гавьяат зүтгэлтэн Н.Туулайхүү удирдах юм байна.