Дархан-Уул аймагт спортын олон төрөл хөгжиж байна. Энэ сард тэшүүр, хоккей, цана, сагсан бөмбөг, гар бөмбөгийн тэмцээнүүд зохион байгуулагдсан. Харин өнөөдөр футзалны тэмцээн эхэллээ. Зөвхөн 2012 оны хувьд хөл бөмбөгийн футзал, гадаа талбайн, “Сүхбаатар супер cup” зэрэг найман тэмцээн болно. Дарханы хөл бөмбөгчид 2011 онд Монголын хөл бөмбөгийн холбооноос зохион байгуулсан болон олон хотын нийт 14 удаагийн тэмцээнд оролцож, таван алт, хоёр мөнгө, гурван хүрэл медаль хүртсэн амжилтыг гаргасан байна.

Өнөөдөр эхлэсэн футзалны аймгийн аварга шалгаруулах тэмцээн өсвөр үе болон насанд хүрэгчдээс аймгийн аваргуудыг тодруулна. Зургаан хоногийн туршид үргэлжлэх тэмцээнд нийтдээ 40 багийн 400 гаруй тамирчид оролцож байна. Энэ нь жилээс жилд хөл бөмбөгийн спорт Дарханд хөгжиж байгаагийн илрэл болж, тэмцээний цар хүрээ өргөсч байгааг харууллаа. Дархан сумын сургуулиудын сурагчдаас гадна Орхон, Шарын гол сумын сургуулийн сурагчид ирж оролцож байна. Зарим сургуулиас хоёр ч баг бэлтэгджээ. 15, 18, Оюуны-Ирээдүй, шарын голын нэг, хоёрдугаар багууд өрсөлдөнө. Үүнээс гадна насанд хүрэгчдийн ангилалд “DBS”, “Сэлэнгэ”, “Дон Боско”, “ТЭЦ”, “Ахмад”, “Зүтгүүр”, “Дархан шилүүс” зэрэг багийнхан тоглох юм.