УИХ-ын 2012 оны ээлжит сонгууль болоход хэдхэн сар үлдээд байна. Энэ удаагийн сонгууль шинэ хуулиар явагдах гэж байгаагаараа онцлогтой. Нам бүрээс нэр дэвшигчдийн 20-иос доошгүй хувь нь эмэгтэйчүүд байх учиртай. Сонгууль болох гэж буй энэ үед нам бүр нэр дэвшүүлэх эмэгтэйчүүдээ хайж байгаа сурагтай. АН-ын хувьд нөхцөл байдал ямар байна вэ. Ц.Оюунгэрэл, С.Одонтуяа гэх мэт улстөрчид байна. Хамгийн гол нь дээрх эмэгтэйчүүд ерөнхийдөө улс төрд нэр цэвэр хүмүүс. Ц.Оюунгэрэл өдгөө Ардчилсан эмэгтэйчүүдийн холбооны тэргүүнээр ажиллаж байгаа. С.Одонтуяагийн хувьд Баянгол дүүрэг дэх НИТХ-ын төлөөлөгчөөр ажиллаж байна. Бид энэ удаа эмэгтэйчүүдийг дэмжиж байгаа эсэх, тэдний байр суурийг хэрхэн үнэлж байгаа. МАН, АН-аас нэр дэвших эмэгтэй улстөрчдийг иргэд хэрхэн үнэлж буйг нь тандлаа.

-БГД-ийн иргэн Д.Долгор:
-Мэдээж дэмжиж л таар­на. Манай улс төрд эмэгтэйчүү­дийн уян хатан мэдрэмж, али­ваа асуудалд ухаалгаар хандаж чад­даг тэр чанар дутаад байна. УИХ-д сууж байгаа эмэгтэй улс­төрч арай л цөөдөөд байна. Ха­тан ухаан гэдэг аугаа зүйл шүү дээ. Хаадууд хатдынхаа ухаа­наар төрийг жолоодож байсан түүх нь байна. Олон газраар явж юм үзэж, судалсан ухаалаг, төр түшилцэх эмэгтэйчүүд бай­на шүү дээ. Д.Оюунхорол, Д.Ар­вин, С.Оюун гээд маш цөө­хөн хэдэн эмэгтэйчүүд төрд бай­на. АН-аас лидер улс төрч эмэг­тэйчүүд гармаар байна. Ц.Оюун­гэрэл, С.Одонтуяа гэх зэрэг нэр дэв­ших эмэгтэйчүүдээ сойж бай­гаа талаар өдөр болгон хэв­лэл мэдээллээр цацаж байна. Би дэмжиж байна. Гарах хэрэг­тэй. Сүүлийн үед нийтийн эзэмш­­лийн талбай, ялангуяа ах­­ма­дын амрах, хүүхдийн тог­лох газрууд дээр барилга бай­гуу­­ламж олноор баригдаж, ир­гэ­дийн эрүүл мэндэд сөргөөр нө­лөөлж, эрүүл аюулгүй орчинд амьд­рах эрхийг зөрчиж байна гэ­сэн бидний гомдлын дагуу Нийс­лэлийн газрын албаны дар­га Ц.Сандуйтай хамтран ажил­лах санамж бичигт С.Одон­­­туяа гарын үсэг зурсан нь хамгийн чухал цаг үеэ олсон ажил болсон юм.

-БГД-ийн иргэн Н.Наранбаатар
-Ц.Оюунгэрэл, С.Оюун шиг эмэг­тэйчүүд нэр дэвшвэл дэм­жинэ. Бусад улс төрчдийн хувьд мэдэх юм алга. МАН-аас гарсан эмэгтэй улс төрчид юм хийхгүй байна. Улс төрд гар­чи­хаад иймэрхүү байдлаар хан­даад байвал хэн дэмжих вэ дээ. Одоо нийгэм тэр чигээрээ эмэг­тэйчүүдийг дэмжинэ гэж ярьж байна. Хүн хүний бо­дол өөр л дөө гэхдээ миний бо­д­ол бол мэдээж дэмжинэ. Тө­рийг төлөөлөх хү­мүүст эмэг­тэйчүүд байж яагаад бо­лох­гүй гэж. Эмэг­тэйчүүд нэр дэв­шээд га­раад ирвэл 100 хувь дэм­жи­нэ.

-ЧД-ийн иргэн Ц.Батжаргал:
-Болно ш дээ. Мэдээж эмэг­тэй хүн. Ар гэрийн түшиг тул­гуур нь эмэгтэй хүн байдаг шиг. Улс орныг удирдан залахад эмэг­тэй хүний ухаан хэрэгтэй байл­гүй яахав. Нэр дэвших эмэг­тэйчүүд манай тойрогт га­раад ирвэл шууд л дугуйлна. Эр хүн гүндүүгүй, хээгүй сайхан байх хэрэгтэй байдаг. Гэтэл энэ эрэгтэй улс төр­чид худлаа хэлж, хулгай луйвар хам­гийн сайн хийж байна. Хэн да­хиж ит­гэж гаргах вэ дээ. Харж л бай­гаарай. Нам болгоноос нэр дэвш­­­сэн эмэгтэйчүүд бүгд гар­на. Энэ сонгуульд.

-БГД-ийн иргэн Н.Борчулуун:
-Ер нь бол эмэгтэйчүүдийн эр­хийг хамгаалахын тулд эмэг­тэйчүүд гарах ёстой. Дээр үед АИХ-ын депутатуудын ес нь эмэг­тэйчүүд байсан. Тухайн үед цаг үе ямар байсан билээ. Тэр үед ингэж олноороо улс­төрд орж ирсэн байхад одоо бай­гаа хэдхэн гишүүд арай л цөөдөөд байна. АН-аас яагаад эмэгтэйчүүд улстөрд орж ирээ­дүйг гайхаж байна. Чадал­тай эмэгтэйчүүд олон байна. Хүнээ олж сонгож чадахгүй байна. Ухаалаг, ямар ч асуудалд тууш­тай хандаж чаддаг нь манай эмэг­тэйчүүдийн давуу тал. Гэх­­дээ ард түмэн сонголтоо хийх­­дээ буруу хийгээд байна. Бо­­ловсролтой, эрдэмлэг эмэг­тэй­­чүүдээ дэмжээрэй гэж хэл­мээр байна. С.Одонтуяа гэхэд л БГД-ийн Эрүүл мэндийн нэг­­дэл болон 20-р хорооны өр­­хийн эмнэлэгтэй хамтран алс­­лагд­сан хороо болох 20-р хо­­рооны иргэдэд эмэгтэйчүүд, Эхо оношлогоо, зүрх судас, БЗХӨ-ний оношлогоо, эрүүл мэн­­дийн тусламж үйлчилгээ үзүү­­­лэн, зөвөлгөө өгч, эрүүл мэн­­­дийн болон сайн дурын үз­­лэг, шинжилгээ зэргийг үнэ төл­­­бөргүй хийлгэсэн. Энэ мэт цаг үеийнхээ асуудлын олж хар­­­даг хүмүүс улс төрд хэрэг­тэй байна.

-СБД-ийн иргэн Н.Эрдэнэчимэг:
-Дэм­жилгүй яахав. Чадал­­тай л бол дэмжих хэрэг­тэй. Монголын шилдэг сэ­хээ­­тэн эмэг­­­тэйчүүд олон бай­­на. Ту­хайл­­­бал гадаадад боловс­­рол эзэм­­шээд ирсэн Ц.Оюун­гэ­­рэл, “От­гонтэнгэр” их сургуу­лийн үн­дэслэгч гэгддэг Д.Оюун­хо­рол, Эдийн засагч С.Одонтуяа гээд нэрлээд байвал мундаг сэ­хээ­­тэн бүсгүйчүүд олон бай­на. Хэн ч байсан дэмжинэ. Эмэг­тэй­чүүд нь эмэгтэйчүүдээ дэм­жих­гүй бол өөр хэн дэмжих вэ дээ. Сонгуулийн хуулиараа ч 20 ху­вийн квот тогтоосон нь та­лар­­хууштай хэрэг болсон.

-БГД-ийн иргэн Н.Давааноров:
-Эмэгтэйчүүд төрийн тэргүүн болж, улс орны амьдралыг за­лаа­сай гэж хүсч хүлээж бай­даг хүн. Одоо арай л цөөхөн бай­на. Улам илүү их болоосой. Үүний тулд ард түмэн тэднийг сон­гоосой гэж хүсч байна. TV5 те­ле­визийн захирал байсан Д.Са­рангэрэл, АН-ын мундаг ном бичсэн боловсролтой хүү­хэн Ц.Оюунгэрэлээр маш их бахархсан. Англи хэлээр ус цас шиг ярьж, ямар ч ху­рал цуглаанд торохгүйгээр ярь­даг мундаг боловсролтой бүс­гүй. Эгч нь өөрөө АН-ын дэм­жигч. Тиймээс С.Одонтуяа, М.Бат­чи­мэг гээд намынхаа лидер улс төрч бүсгүйчүүдээр бахархаж, бар­дамнаж явдаг хүн. Чадвар­тай шилдэг сэхээтнүүд Мон­голд олон байна. “Иргэн та баялаг” сан Монголын 50 гаруй ТББ-тай хамтран Залуусын тө­лөө “ЗА” гэж хэлье уриалга гар­ган төсөл хөтөлбөр боловс­руулан ажиллаж төсөл хөтөл­бөр, уриалгынхаа хүрээнд “Тө­рийн бодлогыг залуусын хү­мүү­жилд” сэдэвт зөвлөгөөн зо­хион байгуулсан байна лээ. Энэ нь зөв алхам болж чадсан. Бид манай тойрогт нэр дэвших С.Одон­туяаг дэмжиж байгаа.

-ХУД-ийн иргэн Ц.Болд:
-Дэмжинэ. Асуулт байхгүйгээр шууд дэмжинэ. Өмнөх сонгуулиас л тэр яриад байгаа квотоо өндөр тогтоож намын шил­дэг эмэгтэйчүүдийг гаргаж ирэх хэрэгтэй байсан юм. С.Оюун гээд шилдэг улстөрч бай­на. Чингис хааныг эх хүн хүмүүжүүлсэн. Тиймээс ард түм­нийг эх хүн л хүмүүжүүлэх ёс­той. Төрийн тэргүүнд нь эмэг­тэй хүн байх ёстой юм. Ман­духай цэцэн хатан тө­рийг хэр­хэн авч явсныг түүх харуул­даг. Тиймээс төр түшилцэх эмэг­тэйчүүд олон байх тусмаа сайн байна.

-ХУД-ийн иргэн Д.Цэцэгмаа:
-Эмэгтэй хүн гэр орны ажил хийх  ёстой гэсэн хуучирсан үзэл баримтлал алга болсон. Эр­дэм­тэй, ухаалаг, нийгмийг өөр­чилж чадах, хөгжлийн хө­төч болох эмэгтэй улстөрч олон байгаатай хэн ч маргахгүй бо­лов уу. Хэвлэл мэдээллээр бид эмэг­тэйчүүдийг харж байна. Ном бичсэн ч эмэгтэйчүүд би­чиж байна. Өнөөдөр хэн нь хэн бэ, улс төрд хэн хэрэгтэй юм бэ гэдгийг бид ялгаж салгадаг бол­лоо. Хэн нь тэгээд шилдэг юм бэ гэж асуух хүн гарах л байх. Та нар сайн судал, унш, хар, тэртэй тэргүй тэднийг ний­гэм хүлээн зөвшөөрч, улс тө­рийн хатуу амьдрал тэднээр ду­таж байна. Би магтаад байгаа ч зүйл байхгүй. Ерөөсөө л улс төрд эмэгтэйчүүд дутаж байна. Мун­даг, мундаг ном бичсэн, эрдэм­тэн бүсгүйчүүд олон байна. Бид ба­хархах хэрэгтэй.

-ЧД-ийн иргэн Х.Батсүх:
-Мэдээж дэмжинэ. Ах нь энэ асуудлыг дэмжиж явдаг хүн. Одоо арай цөөнө хүн байна. Бид тууштай дуугарч чадвал шилдэг эмэгтэй улстөрч олноор төрж гарна. Даанч энэ талаар огтхон ч мэдээлэл өгөхгүй. Тэднийг олон ний­тэд таниулах ажил хо­вор бай­на. Залуу хүмүүс улс­төрд га­рах ёс­той.

-БЗД-ийн иргэн Г.Батсүх:
Эр эм гэж ялгах хэрэггүй л дээ. Хамгийн гол нь асуудлаа мэд­дэг эмэгтэйчүүд улс төрд гар­маар байна. Одоо байгаа МАН-ын хоёр гишүүн юу ч хийх­гүй юм. Зүгээр л сууж байна. Тэр Д.Оюунхорол гээд овоо мэд­лэгтэй бүсгүй юм болов уу гэ­сэн чинь нэмэр алга. Зүгээр л хов ярьж суудаг эмэгтэй хүний зан­гаар улс төрд хандаад байна. Ин­гэж болохгүй шүү дээ. Улс төр гэдэг хатуу тоглоом тэр хэ­рээр эмэгтэйчүүд маань хатуу­жил­тай болж, ямар ч асуудалд эрэг­тэй хүнээс дутахгүй шийд­вэр гаргадаг баймаар байна.