Өнөөдөр албан тушаалтнуудын хөрөнгө орлогын мэдүүлгийн талаар хэвлэлийн бага хурал болсны дараа УИХ-ын гишүүн, Хууль зүй, дотоод хэргийн сайд Ц.Нямдорж УИХ-ын хамгийн залуу гишүүн Ж.Сүхбаатарт “ухамсрын шанаа” өгч зангиагаар нь боомилсон талаар өмнө нь мэдээлсэн билээ.

Уг хэрэг Төрийн ордны дөрөвдүгээр давхрын зоогийн газарт болсон аж. Үдийн хоолоо идэхээр тэнд орсон Ж.Сүхбаатар гишүүнийг Ц.Нямдорж сайд угтаж “Х.Тэмүүжингийн бууны нохой” гэх зэргээр доромжилжээ. Тэр үед тэдний дэргэд УИХ-ын гишүүн Д.Тэрбишдагва, С.Бямбацогт, Э.Мөнх-Очир нар байсан аж.

Адилхан залуу гишүүнээ сайдад дарамтлуулахыг харсан С.Бямбацогт гишүүн уг үйл явдлын фото дүрсийг авч баталгаажуулсан гэнэ.

  Д.ОЮУН