Алдарт Жэймс Бондын дэлгэцэнд хөлөглөсөн 50 машинаар Британид үзэсгэлэн гарган олон нийтэд сонирхуулж эхэллээ. “Алтан хуруу” цувралын “Роллс Ройс”, “Надад хайртай тагнуулч” цувралын “Лотус Эсприт” гээд хагас зуунаар хэмжигдэх Бондын түүхийг бүтээлцсэн төмөр хүлгүүд олны анхаарлыг ихэд татах төлөвтэй байгаа аж.

Уг үзэсгэлэн Английн зүүн өмнөд хэсэгт орших Үндэсний авто музейд гарсан бөгөөд нээлтэд нь Бондоор овоглосон жүжигчид оролцжээ. Машинуудаас гадна Бондын цувралд хэрэглэж байсан усны завь, нисдэг тэрэг, шүхэр, мотоцикль зэргийг уг үзэсгэлэнд дэлгэн тавьсан  байна. Сонирхолтой үзмэр бүхий энэ үзэсгэлэн он дуустал үргэлжилнэ.