Ардын намын Удирдах зөвлөл өчигдрийн хуралдаанаараа У.Хү­рэлсүхийг Тэргүүн шадар сайдад нэр дэвшүүлэх шийдвэр гаргалаа. Тэр­бээр УИХ дахь бүлэг, байнгын хорооны хурлаар ногоон гэрлээр дэмжигдэх нь мэдээж. Харин Ерөн­хийлөгчийн давааг давах эсэх нь эргэлзээтэй. Учир нь өнгөрсөн баа­сан гарагт Ерөнхийлөгч Засгийн газрын шинэ бүтэц, бүрэлдэхүүний талаар Ерөнхий сайдтай санал солилцохдоо Тэргүүн шадар сайд, дэд сайд нарын албан тушаалыг “устгах” бодолтой байгаагаа илэр­хийлсэн. Хариуд нь Ерөнхий сайд өгсөн үүрэг даалгаврыг нь ажил хэрэг болгохоо амласан билээ. Харин одоо Ерөнхий сайд эрх мэдлийнхээ дагуу нүүдэл хийлээ. Тэрбээр намынхаа ¹2 даргад  Засгийн газрын ¹3 сууд­лыг зэхэж байна. Үүнийг нь Ерөнхийлөгч таалах болов уу.

Ардчиллынхан Засгийн газрыг тэргүүлж байхад Да.Ганболдын нэ­рийг долоон удаа өргөн барихад тухайн үед Ерөнхийлөгч асан Н.Бага­банди таалаагүй нь өнөөг хүр­тэл түүх болон үлдсэн. Энэ удаа У.Хүрэлсүхийн сайд болох зам тийм скандал үүсгэхгүй гэхийн баталгаа алга. Хэрэв Ерөнхийлөгч Ц.Элбэгдорж Засгийн газрын ши­нэ бүтэц, бүрэлдэхүүн, оновчгүй то­милгоонд нэг л дургүй нь хүр­вэл генсекийг “шахаж” эвгүй бай­далд оруулан хариугаа авахаас сийх­гүй. Тэгвэл ирээдүйн Ерөнхий сайдын суудлыг зөгнөж яваа У.Хүрэл­сүхийн карьерт тун ч эвгүй мөр үлдээж мэдэх юм. Хэрхэхийг Тө­рийн тэргүүний таалал л мэднэ дээ.