Олон улсын хэмжээний мастер С.Мияарагчаа “World Masters” тэмцээний хошой
аварга боллоо. Ингэснээр С.Мияарагчаа 400 оноо, Х.Цагаанбаатар гавьяат
240 оноог халаасалж чадав. Тэр тусмаа “Жү­догийн спортын эх орон”
гэгддэг Японы бөхийг ялж аварга болсон нь бүр ч бахдалтай.

Дундговийн уугуул түүнийг их спортод хөл тавихад нь Ж.Наран­цацралт
агсан ихээхэн тус болсныг тэрбээр дурсах дуртай. Дэлхийд байтугай улсын
наадамд цолтой бө­хөөр ховор байсан тэр цагт С.Ми­яарагчаагийн авьяас
чадвар, ирээ­дүйн амжилтыг эртнээс мэдэрч за­мыг нь засаж өгсөн төр,
нийгмийн нэрт зүтгэлтэн тэрбээр жүдогоор Х.Ца­гаан­баатар гавьяаттай эн
тэн­­цүү өрсөлдөхийг нь хүртэл зөг­нөн урамшуулдаг байсан гэдэг.

 Энэ удаа С.Мияарагчаа Афины олимпийн хүрэл медальт, дэлхийн аварга,
Монгол Улсын гавьяат та­мирчин, Хөдөлмөрийн баатар Х.Ца­гаанбаатартай
түрүү булаалдаж ялс­наараа 66 кг-ийн жинд үнэхээр хүчтэй өрсөлдөгч
гэдгээ шилдэг 16 дотроо ч батлан харууллаа. Учир нь энэхүү тэмцээнд жин
жингийн шилдэг 16 бөх урилгаар оролцож чансаагаа сорьдог билээ.