Их Британийн Гадаад хэргийн сайд Уильям Хейг Ираны эсрэг олон улсын цэргийн ажиллагаа явуулахыг үгүйсгэхгүй байна. “Бид ямар нэгэн зүйлийг орхигдуулаагүй. Тегераны эсрэг хүч хэрэглэх хувилбарыг ч авч үзэх ёстой” хэмээн сайд Sky News  телевизээр ярилцлага өгөхдөө хэлсэн байлаа.

Тэрээр, Лондон хүч хэрэглэхийн эсрэг байдаг гэдгийг онцлоод Ираныг хэлэлцээрийн ширээний ард авчрахын тулд түүнд үзүүлэх хориг арга хэмжээг авах сонирхолтой байгаагаа хэлжээ. Бид цэргийн ажиллагаа явуулахыг уриалаагүй. Гэхдээ Иран хэлэлцээр хийхээр зайлсхийж буй нөхцөлд  хүчний арга хэмжээг авах хувилбар бий гэж тэр хэлжээ.