Намынхаа байранд суулт зарлаад багагүй хугацааг үдэж буй нийслэлийн Чингэлтэй, Баянзүрх, Хан-Уул дүүргийн Ардчилсан намын хорооны хэсэг гишүүд өнөөдөр Ардчилсан намын ерөнхий нарийн бичгийн дарга Д.Эрдэнэбатад шаардлага хүргүүлсэн байна. Шаардлагад “Таныг Чингэлтэй, Хан- Уул, Баянзүрх дүүргүүд дээр гарсан Ардчилсан намын Үндсэн дүрмийн зөрчлийг шударгаар шийдвэрлэж Хяналтын ерөнхий хороог хуралдуулна гэж итгэсээр өдийг хүрлээ.Бидний тавьсан шаардлага, эсэргүүцлийн суултыг үл тоон эс үйлдэл гаргаж байгаа байдлыг цаашид үргэлжлүүлэн асуудал шийдвэрлэхгүй бол ирэх тавдугаар сарын 3- ны өдөр буюу даваа гаригт хэвлэлийн бага хурал хийлгэж олон нийтэд дуу хоолойгоо хүргэн нийслэлийн бусад дүүрэг, 21 аймаг сумдын АН-ын үүр хороодод хандаж намд бугшсан дүрмийн бус, ёс зүйгүй үйлдлийг цэвэрлэхэд уриалан дуудах. Төв намын гадна жагсаал, цуглаан зохион байгуулах, өлсгөлөн зарлах гэх мэт улс төрийн дараа дараагийн арга хэмжээ авах болно гэдгийг мэдэгдэж байна” гэжээ.
Г.ДАРЬ
Холбоотой мэдээ