Засгийн газрын танхимд суудал эзгүйрсэн зургаан сайдад нэр дэвшигчийг МАН өчигдөр тодруулж дууслаа. Одоо тэднийг УИХ-ын харьяа байнгын хороод, чуулганы нэгдсэн хуралдаанаар хэлэлцэх учиртай. Мөн энэ асуудлаар АН-ын бүлэг хуралдаж магадгүй юм.

Тэргүүн шадар сайдыг Төрийн байгуулалтын, Сангийн сайдыг Төсвийн, Батлан хамгаалахын сайдыг Аюулгүй байдал, гадаад бодлогын, Зам тээвэр, барилга, хот байгуулалтын сайдыг  Эдийн засгийн, Байгаль орчин, аялал жуулчлалын сайдыг Байгаль орчин, хүнс хөдөө аж ахуйн, Эрүүл мэндийн сайдыг Нийгмийн бодлого, боловсрол, соёл, шинжлэх ухааны байнгын хорооны хурлаар тус тус хэлэлцэх юм. Эдгээр байнгын хороод өнөө маргаашдаа хуралдаж, сайдуудын асуудлыг чуулганы нэгдсэн хуралдаанд оруулах бэлтгэлийг хангах учиртай.