Монголын
боулинг сонирхогчдын холбоо, “MCS Coca-Cola” компани, “Big Bowling”
төвөөс хамтран зохион байгуулдаг “Coca-Cola Zero Championship-2012”
тэмцээний нэгдүгээр сарын тэмцээн хэвлэл, мэдээллийн салбарынхны дунд
болох гэж байна. Тэмцээн нэгдүгээр сарын 21-нд “Big Bowling” төвд болох
юм. Амралт, чөлөөт цагийг зөв боловсон өнгөрүүлэх, боулингийн спортыг
сурталчлах, боулинг сонирхогчдын тоог нэмэгдүүлэх зорилготой тус тэмцээн
нь хэвлэл, мэдээллийн салбарт үйл ажиллагаа явуулж буй бүхий л
байгууллагын өмнө нээлттэй. Тэмцээнд оролцох баг таван тамирчны
бүрэлдэхүүнтэй байх ба нэг нөөц тоглогчтой байж болох гэнэ.

Тэмцээний эхний гурван байрт шалгарсан тамирчид ирэх арванхоёрдугаар
сард болох Монголын боулинг сонирхогчдын холбооны оны шилдэг баг
шалгаруулах тэмцээнд оролцох эрхтэй болох юм.

Тэмцээний талаарх дэлгэрэнгүй мэдээллийг 8811-9595 утсаар лавлана уу.