“Алтан бөмбөрцөг”-ийн эзэд тодорчээ. Энэ удаагийн наадамд Британичууд одтойгоо харуулж, Кейт Уинслет, Идрис Элба, Даунтон Эбби зэрэг жүжигчид шагналын эзэд боллоо. “Титаник” киноны од Кейт Уинслет “Mildred Pierce” болон телевизийн богино хэмжээний цуврал кинонд бүтээсэн дүрээр шилдэг эмэгтэй жүжигчний шагнал хүртсэн бол жүжигчин Идрис Элба BBC телевизийн гэмт хэргийн драм “Luther” киноны дүрээр анх удаа “Алтан бөмбөрцөг” хүртэж байна. Их Британийн жүжигчин Даунтон Эбби телевизийн шилдэг кино болон шилдэг цуврал төрөлд шилдгээр шалгарлаа. “Алтан бөмбөрцөг”-ийн  шилдгүүдийн тоонд “Beginners” киноны бэлэвсэн эрийн дүр бүтээсэн Кристофер Пламмер шилдэг туслах дүрийн шагнал хүртлээ. Тэрбээр энэ дүрээр ирэх сард болох кино академийн “Оскар”-ын шагнал хүртэх магадлал өндөр байгаа юм. Кристофер Пламмер хоёр жилийн өмнө  Лев Толстойн амьдралын сүүлийн өдрүүдийн тухай “The Last Station” киноны дүрээр “Оскар”-т нэр дэвшиж байсан.  Харин шилдэг зураг авалттай киногоор “The Descendants” шалгарч, гол дүрд тоглосон жүжигчин Жорж Клуни шилдэг эрэгтэй дүрийн шагнал хүртлээ. Түүнд шагналыг нь өнгөрсөн жилийн “Оскар”-ын шилдэг жүжигчин Натали Портман гардуулжээ. Харин Холливудын нэрт жүжигчдийн нэг Мерил Стрийп “Төмөр хатагтай” гэж алдаршсан Их Британийн Ерөнхий сайд агсан Маргерет Тетчерийн дүрээр шилдэг эмэгтэй дүрийн шагнал хүртсэн байна. Түүнд шагналыг нь “Оскар”-ын шагналт жүжигчин Колин Фёрт гардуулан өгчээ. Харин шилдэг найруулагчийн бүтээлээр домогт найруулагч Мартин Скорсезийн “Hugo” шалгарчээ. “Алтан бөмбөрцөг”-ийн инээдмийн киноны шилдэг дүрийн шагналыг кино сонирхогчдын таамаглаж байсанчлан “The Artist” киноны Жан Дюжарден, “My Week With Marilyn” киноны Мерлин Монрогийн дүрээр Мишель Уиллиамс хүртсэн байна. Харин Холливудын шаргал үст жүжигчин бүсгүй өөрөө энэ шагналыг хагас зууны тэртээ хүртэж байсан түүхтэй аж. “W.E.” киноны дууг дуулсан дуучин Мадонна “Алтан бөмбөрцөг”-ийн шилдэг дууны шагналын эзнээр тодорчээ. “Алтан бөмбөрцөг” наадамд зочноор уригдсан жүжигчин Николь Кидман дэлгэцийн шилдэг бүтээлээр найруулагч Вуди Аллены “Midnight In Paris” хэмээх инээдмийн киног нэрлэжээ.  Найруулагч Нью Йоркт ажилтай, кино наадамд хүрэлцэн очиж чадаагүй тул Николь Кидман  түүнийг шагналаа ирж аваарай гэж мэдэгдсэн байна. “Найзууд” киноны од жүжигчин Мэтт ЛеБланк “BBC” телевизийн шоу “Episodes”-ийн дүрээр “Алтан бөмбөрцөг”-ийн телевизийн шилдэг инээдмийн жүжигчин шагнал хүртлээ. Ажлаасаа халагдсаны өшөөг авсан гэрийн үйлчлэгч бүсгүйн тухай өгүүлдэг “The Help” киноны дүрээр жүжигчин Октавиа Спенсер шилдэг туслах дүрийн шагнал хүртжээ. 69 дэх удаагийн “Алтан бөмбөрцөг” наадам энэ жил Холливудын жүжигчин Морган Фрийманд онцгой хүндэтгэл үзүүлсэн байна.

“Алтан бөмбөрцөг-2012” наадмын шилдгүүдийг танилцуулъя.

Бүрэн хэмжээний кино:

Шилдэг кино: The Descendants
Шилдэг мюзикл: The Artist
Шилдэг эрэгтэй жүжигчин: Жорж Клуни, The Descendants
Шилдэг эмэгтэй жүжигчин: Мерил Стрип, The Iron Lady
Шилдэг найруулагч: Мартин Скорсес, Hugo
Мюзикл болон инээдмийн киноны шилдэг эрэгтэй жүжигчин: Жон Дюжарден, The Artist
Мюзикл болон инээдмийн киноны шилдэг эмэгтэй жүжигчин: Мишель Уиьямс, My Week with Marilyn.
Шилдэг туслах дүрийн эрэгтэй жүжигчин: Кристофер Пламмер, Beginners
Шилдэг туслах дүрийн эмэгтэй жүжигчин: Октавия Спенсер, The Help
Гадаад хэл дээрх шилдэг кино: A Seperation
Шилдэг энимейшн кино: The Adventures of Tintin.
Дэлгэцийн шилдэг бүтээл: Вуди Аллен, Midnight in Paris
Киноны шилдэг хөгжим: Людович Бурс, The Artist
Шилдэг дуу: “Masterpiece”, Мадонна

Телевизийн бүтээл:

Шилдэг олон ангит кино: Homeland, Showtime.
Шилдэг эрэгтэй жүжигчин: Келси Граммер, Boss
Шилдэг эмэгтэй жүжигчин: Клейр Дейнс, Homeland
Мюзикл болон инээдмийн киноны шилдэг эрэгтэй жүжигчин: Мэтт ЛеБлан, Episodes
Мюзикл болон инээдмийн киноны шилдэг эрbэгтэй жүжигчин: Лаура Дерн, Enlightened
Богино хэмжээний цуврал кино: Downton Abbey (Masterpiece)," PBS
Богино хэмжээний цуврал киноны шилдэг эрэгтэй жүжигчин: Идрис Элба, Luther
Богино хэмжээний цуврал киноны шилдэг эbэгтэй жүжигчин: Кейт Уинслет, Mildred Pierce
Богино хэмжээний цуврал киноны туслах дүрийн шилдэг эрэгтэй жүжигчин: Петер Динклейж, Game of Thrones
Богино хэмжээний цуврал киноны туслах дүрийн шилдэг эмэгтэй жүжигчин: Жессика Лейнж, American Horror Story