Засгийн газрын шинэ сайд нарын нэрс тодрох дөхөж буй энэ өдөр УИХ-ын гишүүдийн ирц дээд цэгтээ хүрэв. Бүрэн эрхийн хугацааны турш ховор тохиолдсон 98,6 хувийн ирцтэйг өнөөдөр Тамгын газар илтгэлээ. Ганцхан Ц.Цэнгэл гишүүн эмийн чөлөө авч бусад 75 эрхэм ажилдаа иржээ. АНУ-д эмчлүүлж байсан С.Баяр гишүүн эргэн ирсэн байна.

Эндээс сайд нарын томилгоо гишүүдийн сонирхлыг хамгийн их татсан сэдэв болж буй нь ойлгогдож байна. Ямар ч чухал хууль хэлэлцэж байсан гишүүдийн ирц ийм өндөр байдаггүй билээ.